මගේ හිත ගැන මං තරම්
දන්න වෙන කවුරුවත්
ඔබ මිසෙක ඉන්නවද
ඉතින් එහෙනම් ඇයි
නෝක්කඩු මේ තරම්
කෝපි මල් පිපෙන පින්නේ
සීතලට තුරුලුවී ඇහැරෙන්න
ඉදුවර දෑස අද්දර ඔහේ
ගොලුවෙලා නිහඩව ඉන්න
තුන්යම රෑ සිහිනයේ
කසුන් කුමරා වෙන්න
මං ආස නැතුවාද
එහෙත්, කෑ නොකෑවෙන්
බත් කටක් දෙකටක්
පරණ මල්ලට දාගත්තු
ලිපි කවර පෑන් පැන්සල් එක්ක
පිට නොවී කොහොමද
ඔට්ටු අල්ලන්න
රෑ දෙගොඩහරිය තෙක්
බලන් සොදුරිය අසන් නිහඩව
ජීවිතය අපෙ නොවෙයි.
No comments:
Post a Comment